Tui hăng hră lăi pơthâo, rơnoh pơkă mrô PAPI thun 2023 tơring čar Dak Lak dưi hơmâo 42, 3265 puang, dong tal 31 amăng hră dăp mrô, đĭ tui 1,2042 puang, laih dơ̆ng đĭ tui 10 yak pơkă hăng thun 2022; ba akŏ hlâo amăng 5 boh tơring čar kual Dap Kơdư (Dak Lak : 31; Lâm Đồng: 45; Gia Lai: 51; Kon Tum: 56; Dak Nông : 61).

Hơdôm tơhnal pơkă ngă tui mơ̆ng tơring čar Dak Lak pơkă hăng thun 2022 lĕ : Pơhaih tong ten, tơpă; gơgrong ba ƀơi anăp mơnuih ƀôn sang; pel ĕp tơlơi soh sat ƀong kông ngăn amăng bruă čar; bơwih brơi bruă čar; hơmâo boh tŭ yua wai lăng anih dŏ jum dar; wai lăng bruă mă gah điện tử tơlơi pơhing internet. Dua tơhnal pơkă pơhrŏ mrô puang pơkă hăng thun 2022 lĕ: Bruă ngă hrŏm mơ̆ng mơnuih ƀôn sang mơ̆ng anom bruă gưl pơyŭ hăng ngă hră pơar kơ bruă čar aka ƀu lăp ôh.