Dak Lak đing nao ruah ĕp lui hlâo ƀing ngă khua apăn akŏ lăp djơ̆ tơlơi rơkâo pơđĭ kyar amăng rơwang phrâo
Thứ hai, 10:08, 07/09/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ping gah tơring čar Dak Lak phrâo pơphun jơnum bưp ƀô̆ mơta ƀing apăn bruă ruah pơmut amăng Khul djru bruă, Khul apăn bruă Ping gah tơring čar hăng hơdôm anih mă bruă phun amăng tơring čar, rơwang thun 2025-2030, 2026-2031.
Bruă ruah dưm dăp Khul apăn bruă Ping gah hơmâo 122 čô mơnuih, Khul apăn bruă Ping gah tơring čar hơmâo 38 čô. Bruă ruah dưm dăp pơhlôm kiăng tŏ tui, pơlir nao rai hăng pơđĭ kyar kơplah wah djop rơnuk; lu mơnuih kjăp bruă kơđi čar, ba gru hiam, thâo mă bruă, thâo git gai wai lăng hăng hơmâo arăng đăo gơnang.
Đĭ pơhiăp amăng mông jơnum, Khua git gai Ping gah tơring čar Dak Lak ơi Lương Nguyễn Minh Triết lăi pơtong, bruă dưm dăp kiăng jing bruă ĕp lui hlâo mơnuih apăn bruă thâo rơgơi, lăp djơ̆ tơlơi rơkâo pơđĭ kyar amăng rơwang phrâo. Ƀing apăn bruă kiăng pơplih kơtang mơng tơlơi pơmĭn wai lăng hơdai nao pơplih pơđĭ kyar, gơgrong pơplih tơlơi pơmĭn bruă mă.
Viết bình luận