Rơwang thun 2026-2030, dua bơnah tŭ ư ngă hrŏm gah sĭ mơdrô, tuh pơ alin, ngă hmua, čơkă tuai, pơtô hăng pơjuăt, hơmâo mơnuih mă bruă rơgơi, gru grua - mơnuih mơnam laih anun rơnuk rơnua. Amăng anun, dua boh tơring amra pơtruh sang bruă mơdrô, pơtrut sĭ mơdrô, tuh pơ alin, pơthâo bruă anŏ klă bruă pơkra gơnam mơ̆ng hmua laih anun hơmâo gơnam bơwih brơi bruă čơkă tuai.

Dak Lăk hăng Champasak gir ba rơnoh sĭ mơdrô - čơkă tuai đĭ 15-20% rim thun laih anun pơtrut hơmâo 5-10 kơčăo bruă tuh pơ alin amăng 5 thun. Ơi Nguyễn Thiên Văn, Kơ-iăng khua jơnum min mơnuih ƀon sang tơring čar Dak Lăk, lăi bruă ngă hrŏm bơwih ƀong amra pơtrut tui tơlơi rô nao rai kơ dua boh tơring./.