Dak Lak hăng Mondulkiri ngă hrŏm pơjing jơlan guai rơnuk rơnua, giang mah pơđĭ kyar hrŏm
Thứ năm, 09:45, 16/07/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Kơnôl 15/7, Jơnum min djop djuai ania mơnuih mơnam Việt Nam tơring čar Dak Lak gum hrŏm hăng Jơnum min gum pơgôp pơđĭ kyar lŏn ia Kur tơring čar Mondulkiri pơphun Jơnum klạ čun ngă tui hră pioh hơdor ngă hrŏm rơwang thun 2024-2026 hăng kĭ hră pioh hơdor ngă hrŏm rơwang thun 2026-2028 hăng anăn “pơjing jơlan guai rơnuk rơnua, giang mah, ngă hrŏm kiăng pơđĭ kyar”.
Rơwang laih rơgao, tơlơi rô nao rai giang mah kơplah wah tơring čar Dak Lak hăng tơring čar Mondulkiri ƀu pơdơi hơkrŭ kjăp hăng pơđĭ kyar, pơgôp prong amăng pơđĭ kyar bơwih ƀong huă mơnuih mơnam mơng dua bơnah, ngă bruă bơkơdong glăi klă hloh hăng ƀing ngă soh găn nao rai djop dêh čar, wai pơgang kjăp tơlơi rơngai hăng gong guai dêh čar. Hơdôm boh tơhnal ngă hrŏm kơplah wah dua boh tơring čar hơmâo pok pơhai klă, ha amăng plĕ hăng dơlăm.
Ngă tui boh than dưi ngă anun, Dak Lak hăng Mondulkiri hơmâo kĭ hră pioh hơdor ngă hrŏm rơwang thun 2026-2028, kơtưn ƀiă dong amăng hơdôm bruă, pơgôp hơbôr đĭ tơlơi rô nao rai “ha guai hiam klă, giang mah gru grua, ngă hrŏm djop mơta, hơđong kjăp sui thun” kơplah wah dua boh dêh čar Việt Nam-Kur./.
Viết bình luận