Hrơi ngui ngor brơi mơñum kơphê đôč đač pơphun amăng hrơi pơphun Jơnum ngui kơphê Buôn Ma Thuột tal 8, thun 2023. Hơdôm boh sang sĭ ia mơñum hơmâo bơwih brơi đôč lêng kơ tĕp bơnal kiăng ƀing tuai thâo krăn. Hơdôm boh sang sĭ mơdrô ia kơphê ƀu ƀơk hră ôh, mơnuih ƀon sang hăng ƀing tuai nao mơñum kơphê lêng kơ mơñum đôč soh.

Tui mrô mơng Gơnong bruă tuh tia pơkra gơnam, hơmâo 472 boh sang sĭ ia kơphê amăng tơring čar čih anăn gum hrŏm jơlan hơdră iâu tuai mơñum kơphê đôč amăng lơ 10/3. Amăng anun ƀơi plơi prong Buôn Ma Thuột hơmâo 352 boh sang sĭ bơwih brơi ƀơi anih hăng 13 boh sang sĭ rŭi hyu ƀơi jơlan Phan Đình Giót, phường Tân Tiến. Hrŏm hăng bơwih brơi mơñum kơphê đôč đač amăng lơ 10/3, ră anai hơmâo rơbêh 50 sang sĭ ia mơñum amra djru brơi ană plơi hăng ƀing tuai mơñum kơphê đôč đač mơng 2 truh lơ 5 hrơi pơphun Jơnum ngui.