Tơdơi kơ ha thun pơphun ngă, tơring čar Dak Lăk hơmâo dăp giong 102 anom bruă gưl să, ba Anom bruă ngă hră pơ-ar sit nik mă bruă, djru ngă hơbôt, aset ƀiă anom bruă kơnuk kơna, ngă hră tañ ƀiă, laih anun bơwih brơi mơnuih ƀôn sang, anom bơwih ƀong mơdrô. Khă hnun, tơring čar ăt dŏ bưp tơlơi tơnap mơn kơ bruă ngă hrŏm plah wah djŏp gưl, kơƀah mơnuih mă bruă ƀơi hơdôm bruă mă laih anun anŏ glêh tơnap yua gơgrong ngă lu bruă đơi.

Pơhiăp ƀơi mông ngă bruă, Kơ-iăng khua Anom pơphun bruă Ping gah yă Bùi Thị Quỳnh Vân tŭ yap djŏp tơlơi rơkâo mơ̆ng Dak Lăk bơdjơ̆ nao anom bruă, mơnuih mă bruă sit nik, hơdră djru hăng mă yua boh thâo mrô či tum pơƀut, lăi pơthâo glăi hăng anom bruă dưi pơsir, ngă phun atur kiăng ngă pơgiong tơlơi phiăn, hơdră djru pơ anăp anai./.