Tlam kơnôl 30/6, ƀơi mông jơnum lok 2 Khua pơ ala mơnuih ƀôn sang tơring čar Dak Lăk tal 10, lu khua kiăng ječ ameč pơklaih brơi anŏ kơđông gah bruă tuh pơ alin, lŏn tơnah, hră pơ-ar hăng pơplih mơak tui anih tuh pơ alin đah mơ̆ng dưi hơmâo rơnoh đĭ kyar GRDP rơbêh kơ 10% amăng thun 2026. Ƀing khua lăi, mơ̆ng rơnoh đĭ kyar 7,84% ră anai, Jơnum min mơnuih ƀôn sang tơring čar kiăng tañ čih hơdră đĭ kyar rơđah rơđông, pơsit rơđah hơdôm bruă dưi ngă, akŏ phun, prăk hơmâo brơi nao hăng hơdră pơplih prong hloh.

Tơdơi kơ lăi pơthâo Pơkă hơnong prăp rơmet man pơdong tơring čar hăng pơphun truh kih Jơnum pơtrut tuh pơ alin hăng 25 kơčăo bruă hơmâo brơi hră kơđŏm, prăk tuh pơ alin rơbêh 40.200 klai, Dak Lăk glăk hơmâo lu tơlơi găl či đĭ kyar. Khă hnun, ƀing khua lăi dlăm, hơdôm tơlơi gêh găl anai kơnong dưi đĭ kyar lơ̆m hơdôm anŏ gun, tơnap gah tuh pơ alin, dưm dăp hlâo, lŏn tơnah hăng tơlơi pơtrun ngă bruă hơmâo pơklaih brơi tañ đôč./.