Ƀơi mông jơnum, Ping gah tơring čar Dak Lăk lăi pơthâo lu tơlơi pơsit kơđŏm gru pơplih phrâo amăng bruă akŏ pơdong anih mă bruă hăng mơnuih mă bruă tơring čar. Tong ten ñu: Akŏ pơdong Grup Ping gah djŏp anom bruă ping gah tơring čar hăng Grup Ping gah Jơnum min mơnuih ƀôn sang tơring čar. pơsit pơmut hrŏm Anom pơtô bruă Ping gah hăng Anom bruă pơtô ba mơnuih ƀôn sang tơring čar.

Pơsit pơđut bruă mă mơ̆ng khul grup ping gah, khul khua git gai ping gah Anom bruă pơgang ba tơlơi suaih pral khua mua mơ̆ng tơring čar, Ping gah djŏp anom bruă hăng anom bơwih ƀong tơring čar. Brơi pơdơi laih Gơnong bruă pơphô bruă pơtom hiăp hăng čar rơngiao, laih dong jao glăi bruă kơ Anom bruă gru grua - mơnuih mơnam Jơnum min pơ ala mơnuih ƀôn sang tơring čar. Ăt amăng mông jơnum mơn, Dak Lăk lăi pơthâo hơdôm tơlơi pơsit pơdơi lơtret hăng khua mua prong amăng tơring čar.