Tui anun, 20 boh sang hră gưl III hơmâo pơmut hrŏm, jing 10 boh sang hră gưl III phrâo, hơmâo: Buôn Hồ, Buôn Ma Thuột, Chu Văn An, Cư M’gar, Ea H’leo, Nguyễn Bỉnh Khiêm, Nguyễn Huệ, Trần Quốc Tuấn, Lê Trung Kiên hăng Krông Ana. Hăng hơdôm sang hră pơtô bruă mă-pơtô rese, 10 boh sang hră hơmâo pơmut hrŏm, jing 3 boh sang hră phrâo anun lĕ Buôn Hô, Krông Pač hăng Tuy An. Amăng mông jơnum gơnong bruă pơtô pơjuăt ăt lăi pơthâo, jao tơlơi pơsit pơhrua ƀing apăn bruă wai lăng ƀơi hơdôm boh sang hră phrâo.

Đĭ pơhiăp amăng mông jơnum, Khua gơnong bruă pơtô pơjuăt Dak Lak Lê Thị Thanh Xuân brơi thâo, bruă dưm dăp kiăng ngă hơbô̆t, hrưn đĭ klă amăng wai lăng, mă yua gơnam măi mok hăng ƀing mơnuih mă bruă; hrŏ trun mơnuih apăn bruă wai lăng, đĭ tui ngăn rơnoh amăng bruă pơtô pơjuăt, mơng anun pơgôp hrưn đĭ klă amăng pơtô pơjuăt.