Dak Lăk glăk hơmâo rơbêh kơ 1.200 boh dơnao, bơnư̆ kŏng ia, akŏ kli , hơmâo 676 boh dơnao ia, 286 bơnư̆ ia blai đĭ, 244 anih ƀŏp ia hăng 2 glông bơnư̆ hơmâo kriang pơgăn jum dar. Amăng bơyan hơjan ia dăo kơtang, Jơnum min mơnuih ƀôn sang tơring čar kiăng hơdôm anom bruă, tơring tơrang pel ĕp, sem lăng rim ring bruă, biă ñu lĕ dơnao ia, bơnư̆, akŏ kli răm laih, ƀudah ƀu rơnuk rơnua dong tah đah mơ̆ng tañ ƀuh hăng pơsir hĭ anŏ ƀu klă ñu.

Laih dong, hơdôm boh tơring lăng glăi abih bruă ba pơđuăi mơnuih ƀôn sang lơ̆m hơmâo hơjan kơthel, ia dăo ƀudah dơnao ia, bơnư̆ pơčah. Hăng hơdôm boh dơnao prong, mơnuih hơmâo jao bruă khŏm dŏ gak, krăo lăng hơjan hlim hiưm pă, ia lu aset hiưm pă, thâo prăp rơmet, pơmut tơbiă ia brơi lăp djơ̆, pơhŭi lui hlâo./.