Dak Lak lu ring bruă ia hơdjă plơi pla ƀu thâo yua, mơnuih ƀôn sang bưp tơlơi tơnap biă mă
Thứ năm, 07:20, 28/03/2024
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Amăng mrô 128 ring bruă ia hơdjă pơ kual plơi pla ƀơi tơring čar Dak Lak, hơmâo truh 52 boh ring bruă răm laih ƀu thâo yua dơ̆ng tah hăng hơdôm hơpluh ring bruă pơkŏn mă yua ƀah wư. Kơƀah prăk ming pơkra glăi, anun bơbeč djơ̆ prong biă mă kơ tơlơi hơdip mơda, ba ia yua kơ mơnuih ƀôn sang, biă mă ñu amăng bơyan phang hang pơđiă ră anai.
Hơdôm ring bruă ia hơdjă ba yua ƀơi kual plơi pla răm hĭ lu ƀơi hơdôm tơring glông Ea Sup, Ƀuôn Đôn, Ea Kar, Lak, Čư̆ Mgar, plơi prong Ƀuôn Ma Thuôt. Rơngiao kơ anun, lu ring bruă hlăk mă bruă ƀah wư kơnong dưi ngă bruă mơ̆ng 20-50%.
Ơi Phạm Ngọc Bình, Khua anom bruă ba yua ia hơdjă hăng pơgang anih dŏ jum dar tơring čar Dak Lak brơi thâo, hơdôm ring bruă ia hơdjă răm, ƀu thâo yua ƀudah ba yua ƀah wư̆, lêng kơ ring bruă man pơdong sui thun laih, hnong pơkra ming anet hăng ƀrô, jao kơ plơi pla wai lăng mă anun boh tŭ yua mă bruă ƀu klă ôh.
Viết bình luận