Akŏ bruă anai hơmâo abih tih prăk yua him lăng 9,8 klăk đôlar Mi, pok pơhai rơwang thun 2027-2031, anăp nao djru brơi hơdôm kual plơi pla amuñ bơdjơ̆ nao hluai tui hơdră jao prăk djru tañ tui hơnong pơkă anŏ răm rai lơm ayuh hyiăng pơplih sat. Dua boh ƀon lan hơmâo ruah ngă lông lăng hơmâo să Krông Năng-kual juăt không phang khŏt ia hăng phương Phú Yên-anih juăt ƀuh ia ling dăo, ia mơsin ram hyu, ia rơsĭ juăt blai hang.

Him lăng giăm 10.000 boh sang anŏ djru brơi kiăng hơkrŭ glăi tơlơi hơdip bơwih ƀong huă, 2.000 boh sang anŏ giăm ƀun rin hơmâo djru brơi hră pơhlôm djru tui anŏ răm rai yua ayuh hyiăng pơplih sat. Tơlơi phrâo mơng akŏ bruă anai lĕ mă yua tơlơi pơhing dưm pioh kơ ayuh hyiăng lŏn mơnai, rup mơng êkrang hăng boh thâo ia rơgơi kiăng pơphun djru brơi lơm hơdôm mrô jŭ yap rơgơi hăng mrô pơhŭi hlâo.