Klah čun ƀơi mông jơnum, Khua dêh čar ơi Lê Minh Hưng lăi pơtong, jơlan hơdră mơ̆ng Ping gah kơ pơđĭ kyar Anom prăk kăk ƀuh rơđah hơmâo lăi nao amăng hră pơtrun jơnum prong ping gah thun blan rơgao.

Hră klah čun mrô 18 mơ̆ng Gơnong dlông hơmâo lăi pơtong, tơlơi kiăng ječ ameč ba anom bruă prăk kăk tañ pơphun ngă bruă; tơhnal kiăng ƀuh rơđah kơ bruă akŏ pơdong anom bruă prăk kăk wơ̆t hăng tơlơi phiăn pơkă tơpă hnơ̆ng rơđah rơđong, kơtang hloh kiăng pơhưč lu sang bruă mơdrô tuh pơ alin mơ̆ng jar kmar, anai lĕ hơdôm hơdră ngă bruă yom pioh iâu pơtum prăk kăk arăng mơ-it sui thun man ƀrô hăng sui thun hloh pioh djru hrŏm pơtrut pơđĭ kyar tơlơi bơwih ƀong huă hmar, hơđong kơjăp.