Đĭ pơhiăp amăng mông jơnum, Kơ-iăng Khua dêh čar ơi Phạm Gia Túc lăi rơđah, thun APEC 2027 hơmâo khua mua Ping gah, kơnuk kơna hăng dêh čar pơsit lĕ hơmâo tơlơi dưi kiăng pok pơhai tŭ yua jơlan pơtom hiăp Jơnum tal 14 mơng Ping gah, kiăng hrưn đĭ kơdrưh, tơlơi đăo gơnang jar kmar hăng lŏn ia, ngă pơtrut phrâo brơi pơđĭ kyar bơwih ƀong huă-mơnuih mơnam, sit biă ñu hăng Phú Quốc, tơring čar An Giang hăng kual lŏn dăo Cửu Long.

Kơ bruă prap lui boh tơhnal Jơnum khua mua pơprong APEC 2027, Kơ-iăng Khua dêh čar lăi pơtong  anai lĕ bruă jao yôm phăn, laih dong lăi pơtong, hơnong pơkă prong hloh lĕ pơphun truh kih thun APEC kơđŏm glăi tơlơi yôm mơng Việt Nam, pơgôp prong brơi bruă pơhlôm rơnuk rơnua, ngă hrŏm hăng pơđĭ kyar amăng kual Asia-Thái Bình Dương hăng amăng rŏng lŏn tơnah.