Abih bang ƀing mut hrăm, dưi hmư̆ tơlơi pơtô, ba yua tơlơi pơhing, mrô rơnoh hăng wai lăng mrô rơnoh amăng glông bruă pơtô hrăm; ba yua atur ia rơgơi mrô bơwih brơi bruă git gai wai lăng, pơčrâo bruă, laih dơ̆ng pơčrong sai, pơsir hĭ hơdôm tơlơi tơnap tap hơmâo lơ̆m pok pơhai ƀơi sang bruă.

Bruă ngă pơphun amăng mông anom bruă pơtô hrăm tơring čar hlăk pơtrut ngă tui pơblih yua mrô tui hăng jơlan hơdră pơđĭ kyar boh thâo ia rơgơi phrâo, pơblih pơčeh phrâo ba yua djop jơlan hơdră mơ̆ng kơnuk kơna pơkă kơ bruă pơtô hrăm. Tui hăng Gơnong bruă Pơtô hăng Pơjuăt tơring čar Dak Lak,  anom bruă anai hlăk ngă giong čih pioh pơmut mrô rơnoh, pơtrut ba yua ia rơgơi mrô pioh wai lăng hră pơar anăn păn amăng glông bruă pơtô hrăm, hră anăn, tơlơi hrăm mơ̆ng čơđai sang hră hăng pơblih kơtang amăng bruă pơtô hrăm, bruă iâu pơmut hrăm hră hăng wai lăng; laih dơ̆ng ngă hrŏm sang bruă mơdrô gah boh thâo ia rơgơi pơtrut bruă pơblih ba yua mrô mơ̆ng thun 2026-2030.