Ƀơi mông mă bruă, Grup hyu sem lăng pơčrong sai kơ bruă pôr pơthâo, pơtô lăi, pơhrăm tơlơi thâo tong ten kơ čơđai muai pioh mă yua tơlơi pơhing amăng plang internet; tơlơi phiăn pơkă kơ bruă ngă hrŏm plah wah sang anŏ, sang hră hăng gong gai kơnuk kơna kual plơi pla amăng bruă lăng tui, krăp lăng ƀing čơđai mă yua tơlơi pơhing internet; bruă tŭ mă, pơsir hơdôm tơlơi hơmâo pơdjơ̆ nao kơ čơđai muai amăng tơlơi pơhing internet.

Tui hăng tơlơi lăi pơthâo, mơ̆ng thun 2021 truh ră anai, Dak Lak hơmâo pơphun 27 wơ̆t, anih pơtô brơi, lăi pơthâo tơlơi dưi kơ ƀing čơđai muai, pơhlom hlâo tơlơi arăng ngă sat kơ čơđai, taih čom, pơgô̆ čơđai hăng tơlơi thâo mă bruă pơgang ba ƀing čơđai muai ƀơi anăp tơlơi pơhing lu mơta truh amăng internet. Lu bruă mă hyu pơtô lăi, pôr pơthâo pok pơhai ƀơi sang hră, amăng kual plơi pla, ƀơi anŏ djop anih mơnuih ƀôn sang găn rơgao nao rai. Djop sang bruă kơnuk kơna ƀơi Dak Lak hơmâo tŭ mă pơsir 150 wơ̆t tơlơi hơmâo ngă sat kơ čơđai muai, yua mơ̆ng tơlơi bơdjơ̆ sao nao rai amăng plăng internet truh pơbưp gah rơngiao laih anun taih amang tơdruă, ƀudah čih mơ-it tơlơi pơhing rup, video ngă sat djik djak nao rai tơdruă, hơtom tơ̆i, hơtoh djrăi tơbiă mơ̆ng khul čơđai sang hră gưl dua soh hơmâo.