Pơ-iă hang, không phang kơsing apah sui hrơi ngă kơ bruă mă bruă apui lơtrik ƀơi Dak Lak lu tui. Akŏ blan 4/2024, glông kiăo tui tlôn pơđuăi rơbêh 510 MW, đĭ 27% pơhmu hăng thun hlâo. Yua gơgrong amăng hơdră pơhlôm brơi, glông hrĕ apui lơtrik amăng tơring čar Dak Lak dưi mă yua hơđong, pơhlôm brơi apui yua na nao brơi mơnuih ƀôn sang. Hơdôm hơnong pơkă phun amăng wai lăng măi mok hơmâo pơgiong hăng rơgao ƀiă tui bruă jao.

Mơng akŏ thun truh ră anai, hơdôm anom bruă apui lơtrik amăng tơring čar hơmâo pel ĕp, pơsir hĭ 158 anih răm rai. Amăng jơnum lăng glăi bruă wai lăng phrâo anai, ơi Trần Tấn Phùng-Kơ-iăng Khua kông ti apui lơtrik Dak Lak rơkâo djop anih anom tŏ tui hrưn đĭ pran gơgrong, kiăo tui lăng sit nik, pơphun klă bruă mă, pơhlôm rơnuk rơnua lơm mă yua apui lơtrik brơi mơnuih ƀôn sang.