Đơ đam tơring čar Dak Lak ră anai hơmâo 787 boh sang jưh tuai čuă ngui hăng giăm 14.400 anih dŏ; 51 anom bruă ba hyu tuai hăng giăm 28.100 mơnuih mă bruă amăng gơnong bruă tuai čuă ngui. Amăng 6 blan akŏ thun, Dak Lak čơkă rơbêh 5,3 klăk tuai, abih tih prăk pơhrui him lăng giăm 9.600 klai prăk, đĭ giăm 38% pơhmu tui tơđar thun hlâo.

Amăng mông mă bruă, Grup krăo lăng Jơnum min pơ ala mơnuih ƀôn sang tơring čar Dak Lak rơkâo gơnong bruă gru grua, bơrơguăt drơi jăn hăng tuai čuă ngui tŏ tui gum hrŏm hăng djop gơnong bruă, gong gai ƀon lan kơtưn pel ĕp, krăo lăng bruă bơwih brơi tuai čuă ngui; pơtrut kơtang pơplih mrô, hrưn đĭ klă amăng bơwih bơwang hăng pel ĕp, rơkâo pơgiong hơdôm hơnong pơkă bơdjơ̆ nao kiăng ngă gêh gal brơi bruă tuai čuă ngui amăng tơring čar pơđĭ kyar hơđong kăp.