Hăng akŏ tơlơi pơplông “Anŏ kiăng man pơdong tơring čar Dak Lak pơdrong sah, hiam rô̆, thâo rơgơi, djă kơđŏm gru grua hiam”, tal pơplông yôm phara anai hok mơak hơdor glăi 120 thun akŏ pơdong tơring čar, pơtum nao kơ hơdôm boh yôm phun kah hăng, anun lĕ, kơtưn ngă pơgiong hlom bom hăng lu hloh tơhnal pơkă, bruă mă pơtrun tui amăng Hră pơtrun jơnum ruah khua ping gah tơring  čar tal 17 hăng hơdôm bruă mă mơ̆ng anom bruă ping gah, jơnum min mơnuih ƀôn sang tơring čar jao; ăt pơtrut ngă hmar hloh bruă ngă tui lu kơčăo bruă man pơdong, kơčăo bruă phun pơprong, hơdôm hơdră mơ̆ng dêh čar pơtrun brơi man pơdong.

Tui hăng anun, khom pơphun tŭ yua djop bruă mă jak iâu ngă hrŏm pơkơtưn mă bruă pioh ngă djơ̆ tơhnal pơkă, djop bruă jao amăng thun 2024; lir hơbit hăng bruă mă hrăm laih anun hla tui tơlơi pơmin, pran jua hiam klă mơ̆ng Hồ Chí Minh; hơmâo akŏ bruă man pơdong djop sang bruă kơnuk kơna, anom bruă khul grup mơnuih tơpuôl, djop tơring glông pơđĭ kyar hơđong kjăp lỉ rhơbit hăng bruă mă pơhlôm hlâo, pơgăn tơlơi soh sat hưp ham ƀong kông ngăn laih anun ƀư̆ pơkra glăi bruă mă amăng ping gah.