Kual sang măi apui lơtrik pơkĕ jua angin hơmâo man pơdong, hơmâo Sang măi pơkĕ jua angin Buôn Hồ 1 hăng Buôn Hồ 2, pơđuăi jua apui 40MW, hrŏm hăng Sang măi apui lơtrik pơkĕ jua angin Čư̆ M’gar 2 dưi pơđuăi apui 10MW. Lŏn pioh či man pơdong sang măi năng ai 10,5 ha, ƀơi hơdôm boh să Ea Tul, Pơng Drang hăng hơdôm boh phường Buôn Hồ, Čư̆ Bao. Sang măi yua sa boh kông ti gah Grup apui lơtrik Prang (EDF) ngă pô tuh pơ alin. Him lăng hơdôm boh sang măi anai amra pơkra giong, ba mă yua, pơkĕ apui amăng rơnuč thun 2028.

Ƀơi mông pơphun man pơdong, khua mua Jơnum min mơnuih ƀôn sang tơring čar Dak Lăk, pơsit tơring čar hok mơak hăng čơkă anom bruă tuh pơ alin, biă ñu amăng bruă apui lơtrik phrâo. Anai jing bruă mơ̆ Dak Lăk hơmâo lu tơlơi gêh găl či ngă, hăng rơbêh 14.000MW hơmâo laih Khua dêh čar kĭ amăng Kơčăo bruă pơkra apui VIII./.