Tui hăng tơlơi lăi pơthâo, rơnoh pơđĭ kyar amăng 6 blan akŏ thun anai tơring čar Dak Lak, hơmâo pơhrui mă rơbêh 7,8%, ƀiă hloh tơhnal pơkă rơbêh 9%. Amăng 12 tơhnal pơkă phun, hơmâo 5 tơnal pơkă ngă djop hăng lu hloh, 1 tơhnal pơkă ngă djơ̆ rơnoh đôč, 6 tơhnal pơkă aka ƀu djop ôh. Bruă jak iâu pơtum tuh pơ alin, pơsir bruă tuh pơ alin kơ bruă čar, duh glăi lŏn sang đang hmua hăng bruă mă pơkra ming, sĭ mơdrô mơ̆ng sang bruă mơdrô ƀơi Dak Lak bưp lu tơlơi tơnap tap.

Ƀơi mông jơnum, khul pơ ala mơnuih ƀôn sang  tơring čar Dak Lak amra sem abih bang 30 mơta hră lăi pơthâo hlâo, 20 pok hră lăi pơthâo pơdjơ̆ nao amăng bruă prăk kăk, kông ngăn, tuh pơ alin kơ bruă čar, pơblih yua mrô, bruă pơtô hrăm, bruă ia jrao, bruă ling tơhan pơgang lŏn ia, pơhlom pơgang tơlơi truh lŏn adai ngă hăng pơphun bruă mă gong gai kơnuk kơna dua gưl. Boh yom phun tơña hăng lăi glăi ăt pơtum nao kơ bruă ba yua prăk tuh pơ alin kơ bruă čar, pơsir tơlơi rơkâo mơ̆ng mơnuih ƀôn sang hăng pơsir anŏ ngă gun amăng bruă git gai wai lăng.