Nao pơhmư̆ hrŏm, hơmâo 250 čô khua mua, mơnuih pơ ala jing ƀing khua mua ngă bruă wai lăng gah tơlơi đăo, ƀing khua pô pơtô djop tơlơi đăo, mơnuih apăn bruă kơnuk kơna, ding kơna apăn bruă amăng sang jơnum đăo Ban Mê Thuột hăng tơring đăo Quy Nhơn.

Ƀing khua mua hăng mơnuih nao pơhmư̆, thâo ten jơlan hơdră mơ̆ng ping gah, hră pơtrun mơ̆ng kơnuk kơna; tơlơi pơkă phrâo amăng Tơlơi phiăn ngă yang rơbang, tơlơi đăo thun 2026; tơlơi rô nao rai plah wah Kơnuk kơna Việt Nam hăng sang bruă jơnum prong Vatican; tơlơi gơgrong ba mơ̆ng ƀing đăo khop Việt Nam amăng bruă gum hrŏm akŏ pơdong khul gum pơgôp djop djuai ania. Tui hăng ơi Nguyễn Tiến Trọng, Kơ-iăng khua anom bruă wai lăng gah tơlơi đăo kơnuk kơna, Tơlơi phiăn ngă yang, tơlơi đăo thun 2026 dưi ngă tui mơ̆ng kơnôl 1/1/2027. Bruă pơtô brơi hlâo hơdôm tơlơi pơkă phrâo anai, kiăng pơđĭ tui boh tŭ yua ngă hrŏm plah wah gong gai kơnuk kơna hăng djop khul anom bruă tơlơi đăo pok pơhai ngă tui jơlan hơdră ping gah, tơlơi phiăn kơnuk kơna.