Mơ̆ng akŏ thun truh ră anai, kual bơwih ƀong hăng sang măi pơkra gơnam ƀơi tơring čar hơmâo pơhưč lu kơčăo bruă phrâo gah bruă tuh tia, pơkra gơnam, apui lơtrik. Ƀơi hơdôm sang măi pơkra gơnam glăk dŏ mă bruă hơmâo năng ai 92%. Kual bơwih ƀong Nam Phú yên hăng hơdôm sang măi tuh tia pơkra gơnam pơhưč 133 kơčăo bruă, hăng prăk tuh pơ alin giăm 35.000 klai. Ƀơi mông pơhiăp tom, lu tơlơi tơnap, dŏ gun bơdjơ̆ nao anih anom sang măi, apah yua lŏn, hăng hră pơ-ar tuh pơ alin hơmâo anom bơwih ƀong lăi glăi, rơkâo pơsir brơi đah mơ̆ng gêh găl ƀiă kơ bruă pơkra gơnam sĭ mơdrô.

Khua mua Khul wai lăng kual bơwih ƀong Nam Phú Yên brơi thâo, anom bruă glăk pơtrut ngă hră pơ-ar tañ, amuñ ƀiă, pơtô brơi kiăng anom bơwih ƀong ngă hră amuñ. Hăng tơlơi rơkâo pok jơlan pơtruh Kual sang măi An Phú nao pơ jơlan mrô 14, him lăng ring bruă anai hơmâo pơkra giong hlâo kơ lơ 15/7. Kơ tơlơi rơkâo tla prăk apah yua lŏn ha wơ̆t, Khul wai lăng amra ngă hrŏm pơtô ba anom bơwih ƀong ngă hră pơplih glăi tui hăng tơlơi phiăn. Ƀrô tal anai, Khul wai lăng Kual bơwih ƀong Nam Phú Yên ăt brơi hră tuh pơ alin, laih anun hră kĭ kơđŏm tuh pơ alin 5 kơčăo bruă phrâo hăng prăk ngă bruă giăm 1.200 klai./.