Anai hơmâo lăng jing bruă yôm phun pơplih phrâo anih tuh pơ plai, pơtrut bruă akŏ pơdong kơnuk kơna mă yua mrô, mơnuih ƀon sang mă yua mrô ƀơi tơring čar. Tơring čar Dak Lăk ră anai hơmâo 1.590 hơdrôm hră pơkra hră pơ-ar, amăng anun, hơmao 640 mơta hră pơ-ar ngă mơng ataih amăng măi mok soh (hơmâo 40%). Thun 2022, glông ngă hră pơ-ar mơng ataih hơmâo čơkă mă, pơsir brơi rơbêh 1.265.000 pok hră pơ-ar pơsir sa anih arăng iâu Một cửa điện tử pơtruh nao rai, pơsir djơ̆ hrơi pơkă hơmâo 95,99%.

Khă hnun, mrô hră pơ-ar mơ-it nao amăng glông điện tử aka ƀu hơmâo lu ôh, yua dah mơnuih ƀon sang, anom bơwih ƀong ăt juăt laih nao tơl anih ngă hră pơ-ar. Kiăng ngă hră pơ-ar klă tui, hơdôm boh tơring glông glăk pơtrut pôr pơhing kơ tơlơi klă mơng bruă mă yua glông bơwih brơi mơng ataih kơ ƀing khua, mơnuih mă bruă kơnuk kơna hăng mơnuih ƀon sang.