Tơring čar Dak Lăk glăk pơtrut ngă tañ bruă pơkra jơlan ter hang ia rơsĭ. Truh ră anai, kơčăo bruă anai hơmâo jao glăi rơbêh 90% ala lŏn či man pơkra jơlan. Khă hnun, hrơi mông ngă bruă 45 hrơi mlăm ƀu sui dong tah, tơring čar kiăng hơdôm boh tơring, anom apăn bruă ječ ameč pơklaih brơi anŏ tơnap, pơhlom huăi ngă kaih bruă pơkra jơlan. Bruă pơkra jơlan ter hang ia rơsĭ tơring čar Dak Lăk glông rơbêh 25km, prăk tuh pơ alin năng ai 3.800 klaih, kiăng pơhrui glăi năng ai 125 ha lŏn mơ̆ng rơbêh 1.500 boh sang anŏ.

Truh ră anai, hơdôm boh tơring hơmâo jao glăi rơbêh 21km, jing 114 ha, hơmao rơbêh 90% đơ đam lŏn kiăng mă pơhrui. Sem lăng bruă mă amăng kơnôl 17/8, Kơ-iăng khua jơnum min mơnuih ƀôn sang tơring čar Dak Lăk yă Hồ Thị Nguyên Thảo kiăng hơdôm gơnong bruă hăng djŏp tơring ngă pơgiong hơdôm bruă hơmâo jao; pơsir hĭ anŏ kơđông, bruă ngă tơnap, ngă hrŏm nao rai, anăm pơjao nao rai, pô anai lư kơ pô adih ôh, hŭi kơ ngă pơkaih hĭ bruă pơkra jơlan