Mơ̆ng tơlơi sem lăng, ƀơi Buôn Ma Thuột glăk hơmâo 35 kual sang dŏ yua kơnuk kơna man pơdong, hơmâo sang jưh tuai, anih brơi čơđai sang hră dŏ, sang dŏ mơ̆ng anom bruă kơnuk kơna, sang bruă hơđăp...dưi mă yua hlao mơtăm, dưi prăp brơi anih dŏ kơ năng ai ñu 363 čô mơnuih mă bruă. Amăng mrô anai hơmâo Sang jưh tuai Ping gah tơring čar, sang dŏ pioh kơ čơđai sang hră mơ̆ng Sang hră Đại học Tây Nguyên, Cao đẳng Sư phạm hăng Cao đẳng Dak Lăk.

Khă hnun, hăng tơlơi kiăng prăp rơmet brơi năng ai 1.000 čô khua mơnuih mă bruă, tơring čar ăt dŏ kơƀah mơn anih dŏ kơ năng ai 637 čô mơnuih. Jơnum min mơnuih ƀôn sang tơring čar kiăng mă yua thim Sang hră Cao đẳng Dak Lăk (jơlan mrô 30 Y Ngông) hăng Anom git gai tơhan tơring čar (mrô 08 Mai Hắc Đế), jing dưi brơi 379 čô mơnuih dong hơmâo anih dŏ, ăt dŏ kơƀah mơn 258 anih dŏ. Prăk pioh pơkra ming, blơi gơnam kơ 37 kual anih dŏ anai rơbêh 85 klai, mă mơ̆ng prăk amăng tơring čar, prăk mơ̆ng gơnong dlông djru (tơdah hơmâo) hăng prăk mơ̆ng abih bang mơnuih gum djru./.