Khua dêh čar ơi Phạm Minh Chính brơi thâo, tơdơi kơ tơlơi lăi pơthâo hơdră mă jia mơ̆ng Mi, gong gai hơmâo lu hơdră ngă bruă hmao kru, hơdeč hmar kơ kơđi čar, pơtom hiăp; prăp rơmet ba tơbiă Tơlơi pơtrun mơ̆ng Gong gai dêh čar, pơhrŏ trun, lui hĭ mă jia hăng hơdôm mơta gơnam tam mơ̆ng dêh čar Mi hăng hơnong pơkă 0.

Truh ră anai, hơdôm bruă hơmâo dêh čar Mi lăp đing nao hơmâo pơsir laih hăng tơlơi phiăn wơ̆t hăng tơlơi kĭ pơkôl mơ̆ng dua boh dêh čar. Ƀơi anăp tơlơi pơplih phrâo, Khua dêh čar kiăng pơ anăp anai ƀing ta ngă bruă khŏm hơdeč, pơčeh phrâo, khin bơkơtuai; pơtrut tui tơlơi thâo mơ̆ng hlâo či bơkơtuai. Kơ tơlơi pơkôl pơkă, Khua dêh čar lăi bruă krăo tui tơlơi git gai mơ̆ng Ding jum kơđi čar, Khua git gai Ping gah, Khua dêh čar; sem lăng tơlơi rơkâo mơ̆ng dêh čar Mi kiăng hơmâo hơdră ngă bruă; pơsit bơkơtuai jing bruă yôm phun či ngă bơkơnar sĭ mơdrô dêh čar Mi hơđong kjăp, sui thun./.