Dak Lăk ăt dong ƀơi anăp mrô mơnuih tha lu. Anai jing tơlơi hơmâo ba tơbiă ƀơi mông jơnum boh thâo Bruă mă gah mrô mơnuih bơdjơ̆ nao ƀing đah kơmơi hăng pơƀuh brơi hơdră pơsir bruă yua Khul đah kơmơi Việt Nam pơphun mơguah tom brơi (lơ 22/4) ƀơi Dak Lăk. Ƀơi mông jơnum, ƀing khua pơƀut pơčrông sai, ngă rơđah tơlơi bơbeč mơ̆ng hơdră ngă bruă gah mơnuih mơnam bơdjơ̆ nao đah kơmơi, tơlơi gơgrong bruă mơ̆ng đah kơmơi, hlăk ai amăng bruă wai lăng mrô mơnuih. Pơtŏng glăi boh tŭ yua hơdră ngă bruă glăk hơmâo amăng tơring pơsir hĭ hơdôm bruă gah mrô mơnuih, biă ñu bơdjơ̆ nao đah kơmơi hrơi. Mơ̆ng anun rơkâo đĭ hơdră pơsir bruă lăp djơ̆ djă bong mrô rơnoh tơkeng lăp djơ̆, wai lăng mrô đah rơkơi, đah kơmơi lơ̆m tơkeng hăng pơđĭ tui anŏ klă mơnuih mơnam, wai lăng klă tơlơi suaih pral kơ ƀing tha.

Yă Đàm Thị Vân Thoa, Khua grup djru mơnuih mơnam - tơlơi phiăn, Khul đah kơmơi Việt Nam brơi thâo: hơdôm tơlơi hơmâo ba tơbiă ƀơi mông jơnum amra jing phun atur či ngă giong Tơlơi čih boh thâo ia rơgơi gưl ding jum “Hơdră ngă bruă gah mrô mơnuih hăng đĭ kyar - Hơdôm hơdră ngă bruă bơdjơ̆ nao đah kơmơi” yua Khul đah kơmơi Việt Nam git gai.