Jơlan hơdră pơhrăm glăi lăi nao akŏ phun kah hăng: jơlan hơdră pioh kơ djuai ania; gru grua boh thâo, gru grua hiam đưm, mơnuih mơnam, tơlơi ngă yang rơbang, tơlơi phiăn juăt; bruă kơđi čar amăng plơi pla; kiăng pơhlôm pơgang tơlơi rơnuk rơnua hơđong lŏn ia; tơlơi glăm ba, gơgrong phun mơ̆ng ling tơhan djru pơsir tơlơi hơmâo tơnap tap amăng kual djuai ƀiă hăng kual čư̆ siăng.

Amăng hơdôm hrơi pơhrăm glăi, ƀing nao hrăm hyu ĕp bruă mă hiam jĕ giăm, pơtô lăi ană plơi hăng bơkơtuai nao rai “Lir hơbit sang anŏ” ƀơi Binh đoàn 15, sem lăng bruă mă mơ̆ng grup hyu pơtô pơblang gru grua hiam amăng plơi pla  či să Ia Pnôn, tơring glông Đức Cơ, tơring čar Gia Lai, pơčrong sai hrăm nao rai tơdruă amăng bruă gah djuai ania hăng jơlan hơdră mơ̆ng dêh čar djru pơđĭ kyar bơwih ƀong huă kơ mơnuih mơnam amăng kual mơnuih djuai ƀiă, čư̆ siăng.