Lơ 6/5, Jơnum min mơnuih ƀôn sang tơring čar Dak Lak ngă hră pơtrun hiăp djop gơnong bruă, sang bruă kơnuk kơna hăng djop tơring glông, plơi pla khom khut khăt ngă tui bruă mă sem glăi tong ten, hruă kơjăp tơlơi phiăn pơtrun kơ bruă mă, ƀư̆ pơkra glăi pran jua tơlơi dŏ dong ƀong huă amăng bruă mă, lơ̆m pok pơhai dăp glăi, pơhrŏ mrô mơnuih mă bruă kơnuk kơna gưl tơring glông, gưl să.

Bruă ngă anai pơphun lơ̆m jơnum phrâo anai, lu wơ̆t anom bruă ping gah hăng jơnum min mơnuih ƀôn sang tơring čar lăi nao, lu mơnuih apăn bruă, mơnuih ngă bruă čar ngă amưng amăng bruă mă, yua dŏ tơguan pơpha bruă lơ̆m pơčlah, pơmut bruă mă ƀơi lu anih amăng tơring glông, să dŏ lu tơlơi aka ƀu tŭ ư nao rai tơdruă, phai lui ƀu đing nao kơ bruă mă, khua mua tơring čar pơčrâo rơđah hăng pơhŭi hlâo khut khăt. Hơmâo anih đơ đa bĕ hĭ bruă mă, glăm ba, gơgrong phun, ƀu gưt lăi pơthâo, pơčrâo brơi bruă mă, ngă bơbeč truh lu bruă mă amăng kơnuk kơna lơ̆m prăp lui bruă pơmut hrŏm. Ƀơi anăp kơ tơlơi anai, Jơnum min mơnuih ƀôn sang tơring čar Dak Lak pơtrun hiăp djop sang bruă, anom bruă kơnuk kơna pơtum pơsir khom giong bruă aka giong, aka sir, kiăng pơhlôm brơi anom bruă kơnuk kơna phrâo pơmut ăt mă bruă hruaih, tŭ yua mơ̆ng hrơi blung a mơtam.