Khua mir sir ơi Lương Cường tŭ jum Khua ding jum gah bruă pơ ala mơnuih ƀôn sang hăng djuai ania ƀiă India
Thứ tư, 09:59, 07/05/2025
VOV/Nay Jek pơblang
VOV/Nay Jek pơblang
VOV4.Jarai-Tom brơi, lơ 6/5, ƀơi ƀôn prong Hồ Chí Minh, Khua mir sir ơi Lương Cường hơmâo tŭ jum ơi Kiren Rijiju, Khua ding jum wai lăng gah bruă pơ ala mơnuih ƀôn sang hăng djuai ania ƀiă dêh čar India ƀrô rai jơnum hrŏm ngă yang prong Phật đản Sang gum hơbit djop dêh čar Vesak.
Ƀơi mông tŭ jum, Khua mir sir ơi Lương Cường rơkâo dua bơnah dêh čar kơtưn bưp nao rai pơčrong sai, hrăm tui tơdruă amăng bruă čih pơkra tơlơi phiăn dêh čar, boh nik ñu tơlơi thâo thăi pơsir hĭ hơdôm tơlơi gun amăng tơlơi phiăn pioh pơtrut bruă ngă pơđĭ kyar ƀơi dua bơnah.
Dua bơnah ăt tŭ ư nao rai kiăng pơtrut kơtang hloh bruă ngă hrŏm bơwih ƀong huă, sĭ mơdrô hăng tuh pơ alin, lăp hăng anŏ gêh găl mơ̆ng dua bơnah ăt kah hăng bruă ngă hrŏm yom pơphăn hlom bom. Dua bơnah tŭ ư amra kơtưn hloh ngă hrŏm hăng dong yua tơdruă amăng mông jơnum hăng lu bơnah dêh čar.
Viết bình luận