Anai lĕ bruă kơđi čar-bơwih ƀong huă yom biă mă amăng bruă pôr pơthâo anŏ gêh găl, tơlơi hơmâo, gru grua hiam, gru phun ră ruai hăng mông gêh găl tuh pơ alin ƀơi tơring čar. Tơlơi lăp đing nao hloh mơ̆ng tal jơnum anai lĕ, pôr pơthâo Hră pơtrun pơsit brơi ƀư̆ glăi rơnoh pơkă hnơ̆ng tơring čar Dak Lak mơ̆ng thun 2021-2030, lăng nao pơ anăp aidh truh thun 2050, pok pơhư prongf anih anom pơđĭ kyar phrâo hăng kual ngă bruă phun kơtang, jơlan ter bơwih ƀong huă hăng anih anom tong krah kiăng pơđĭ kyar hloh.

Ƀrô tal anai, Jơnum min mơnuih ƀôn sang tơring čar amra lăi pơthâo rơbêh 250 kơčăo bruă iâu pơthưr tuh pơ alin hăng abih tih rơnoh prăk lĕ 1 klăk klai, jao hră tuh pơ alin kơ lu kơčăo bruă hăng pơphun brơi tuh pơ alin mă bruă. Kiăng prăp rơmet kơ tal jơnum prong anai, djop anih anom gru grua, plơi hiam rô̆, hơmâo lŏn mơnai glai klô amăng tơring čar ăt prăp lui čơkă hăng bơwih brơi khul tuai hyu ngui mơak, hyu sem lăng.