GRDP 6 blan akŏ thun amăng tơring čar Dak Lak truh 7,84%. Amăng 12 hơnong pơkă phun, phrâo hơmâo 5 hơnong pơkă dưi ngă. Tơlơi gun amăng pơđĭ kyar ră anai ƀơi tơring čar Dak Lak đing nao lu hloh amăng man pơdong hăng bơwih bơwang. Truh kơnôl 10/7, đơ đam tơring čar phrâo jao rơbêh 2.900 klai prăk, truh giăm 30% tui tơlơi pơkă bruă jao prăk.

Kiăng pơgiong hơnong pơkă pơđĭ kyar rơbêh 10%, 6 blan rơnuč thun, GRDP amăng tơring čar Dak Lak kiăng pơtrut kơtang, amăng kual tuh tia pơkra ming-man pơdong kiăng jing anih pơtrut phun. Ơi Đỗ Hữu Huy, Khua Jơnum min mơnuih ƀon sang tơring čar Dak Lak rơkâo rĭm gơnong bruă, rĭm boh ƀon lan kiăng pel ĕp glăi hơdră pơđĭ kyar, đing nao pơsir hĭ khut khăt hơdôm tơlơi gun, hơmâo hơnong pơkă ngă tui amăng rĭm rơwang kiăng ngă atur phun sem lăng bruă ngă tui mrô pơkă KPI.