Akŏ bruă anai prong rơbêh 313 ektar, pok pơhai 3 rơwang; kơnong rơwang tal 1 prong rơbêh 66 ektar, prăk tuh pơ alin 802 klai prăk. Tơdơi kơ rơbêh 3 blan pok pơhai, bruă man pơkra phrâo kơnong giăm 13,3% tui tơlơi pơkă; lu anih man pơkra dŏ kaih, hră pơ-ar čih pioh, lăi pơthâo hăng sa, dua tơlơi pơkă kơ bruă tuh pơ alin, man pơdong, wai pơgang jum dar dŏ tơnap.

Khua Jơnum min mơnuih ƀon sang tơring čar Dak Lak Đỗ Hữu Huy rơkâo tuh pơ alin đing nao ngăn rơnoh, đing nao pơgiong anih anom kiăng hloh, hơkrŭ Khul wai lăng akŏ bruă hăng pơsit tong bruă ngă brơi tong ten. Khua Jơnum min mơnuih ƀon sang tơring čar lăi pơtong: “Kiăng pơsit hơdôm anih tuh pơ alin kiăng ngă, sit biă ñu lĕ pơkra brơi jơlan glông, apui lơtrik, ia yua pơhlôm brơi djop kiăng anom bruă tuh pơ alin gơñu nao yua apah.