Hăng tơlơi gir run djru kơ bruă ngă hră pơar amăng kơnuk kơna tañ hloh, akŏ pơjing anih mă bruă mơak klă pioh jak iâu tuh pơ alin sĭ mơdrô amuñ, tơring čar Dak Nông hơmâo pơhrui glăi lu boh tơhnal lăp pơpŭ biă mă tui hăng mrô rơnoh hơmâo ƀuh mơ̆ng khul mơnuih ngă bruă sĭ mơdrô ngă, đĭ na nao amăng 4 thun rơgao, lăp đing nao kah hăng mrô pơ anăn PCI thun 2022 hơmâo pơblih prong biă, mrô dăp hnong tal 17 amăng 63 boh tơring čar.

Ră anai, tơring čar Dak Nông hlăk pơtrut pok pơhai lu hơdră kiăng ĕp tơlơi pơhing, thâo tañ hăng pơsir hmao kru tơlơi tơnap tap, gun gan kơ sang bruă sĭ mơdrô, gir run pơhrŏ ƀiă rơnoh prăk apah ƀu sit nik, kơtưn pơđĭ tui boh tŭ yua amăng bruă ngă tui jơlan hơdră djru kơ anom bruă sĭ mơdrô.