Klin Covid-19 hơmâo pơgang hĭ laih hăng glăk hơmâo Khul git gai dêh čar kơ bruă pơgang klin sem lăng kiăng pơsit lăng anai lĕ tơlơi ruă juăt ƀuh, samơ̆ truh ră anai, ƀơi tơring čar Dak Nông ăt aka ƀu apah prăk djru brơi ƀing nai ia jrao mut hrŏm pơgang klin. Ngă tui hơdră djru pơgang klin kheng tui tơlơi pơtrun mrô 16 thun 2021 mơng Kơnuk kơna, tơdơi kơ lu wŏt apah, truh ră anai tơring čar Dak Nông ăt dŏ dong  ƀing nai ia jrao hăng abih tih mrô prăk lĕ rơbêh 32 klai.

Amăng mông jơnum hăng ƀing mă tơlơi pơhing phrâo anai, yă Tôn Thị Ngọc Hạnh, Kơ-iăng Khua Jơnum min mơnuih ƀon sang tơring čar Dak Nông, lăi pơthâo, hơmâo lu tơlơi boh truh ngă kaih apah prăk djru brơi ƀing nai ia jrao mut hrŏm pơgang klin Covid-19. Ha bơnah yua tơring čar dŏ tơnap tap, aka ƀu dưi kah pha prăk kak, ha bơnah dong yua glăk ngă tui kjăp tui tơlơi pơkă măng tơlơi phiăn.