Mơ̆ng akô̆ thun truh ră anai, đơ đam tơring čar Dak Nông hmâo 11 mơta tơlơi apui ƀong glai, abih bang kual răm rai giăm truh 9 ektar. Tui Gơnong bruă đang hmua hăng pơđĭ kyar ƀôn lan tơring čar Dak Nông, amăng mrô 250.000 ektar lŏn glai mơ̆ng tơring čar, ră anai hmâo năng ai ñu 43.000 ektar, biă ñu lĕ glai kyâo pla amăng kual phun amra hmâo apui ƀong, lu biă ñu ƀơi hơdôm bôh tơring glông Dak Glong, Čư̆ Jut, Dak Mil, Tuy Đức hăng Krông Nô.

Ƀơi anăp tơlơi anai, Jơnum min mơnuih ƀôn sang tơring čar Dak Nông hmâo črâo ba laih hơdôm gơnong bruă, jơnum min, anom bruă, Jơnum min mơnuih ƀôn sang hơdôm bôh tơring glông, plơi prong Gia Nghĩa, pô glai hăng hơdôm anom bơdjơ̆ nao, pok pơhai khut khăt, ba glăi bôh tơhnal hơdôm bruă wai lăng, pơgang glai klô. Hrŏm hăng anun, pơtrut kơtang bruă lăi pơhing, pơsur mơnuih ƀôn sang gum hrŏm pơgang glai klô hăng pơgang pơgăn apui ƀong glai./.