Hrom hăng plơi prong Gia Nghĩa, ƀơi abih bang 7 bôh tơring glông mơng tơring čar Dak Nông, hơdôm gưl, hơdôm gơnong bruă hrom hăng lu mơnuih ƀôn sang djop djuai ania ăt gum hrom Tết pla kyâu thun anai. Pơkă hlâo, amăng tal anai, đơ đam tơring čar Dak Nông amra pla 163.000 ƀĕ phun kyâu djop mơta.

Kơnong kơ plơi prong Gia Nghiã, mơguah lơ 19/5, ƀing khua pơ ala hrom hăng lu mơnuih ƀôn sang hăng hlăk ai, tơdăm dra hmâo pla laih 1.000 ƀĕ phun kyâu jum dar gŏng kut N’trang Lơng. Amăng mông ngă Lơphet pok phun, ơi Lê Trọng Yên – Kơ-iăng Khua Jơnum min mơnuih ƀôn sang tơring čar Dak Nông iâu pơthưr djop gưl, hơdôm gơnong bruă hrom hăng abih bang mơnuih ƀôn sang amăng tơring čar pơđĭ tui tơlơi pơmin pơgang anih anom dô̆, pla klă hăng pơgang phun pla, pơgang dlai tlô./.