Ƀơi să ră anai hơmâo sa boh ƀut pơsat dor tơhan pơsăn drơi hăng 357 akŏ pơsat. Amăng anun 220 akŏ pơsat aka ƀu thâo anăn krăn pô hăng rơkâo mă pơčrang ADN kiăng thâo anăn krăn pô. Lăp đing nao, mơ̆ng kơnôl 28/7 truh kơnôl 6/8/2026, Khua mua sang bruă ling tơhan să Đak Pek, tơring čar Quảng Ngãi hơmâo brơi ƀing tơhan hyu hơduah ĕp ƀơi kual plơi thôn 16/5 hăng rŭ kuai mă 10 per tơlang ƀing tơhan pơsăn drơi.

Hrơi blan pơ anăp, să Đak Pek ăt brơi nao ngă bruă hyu pơđing hmư̆ tơlơi pơhing pơčrâo anih dor tơhan pơsăn drơi amăng kual hăng ƀơi pơsat tơhan pơsăn drơi, rŭ kuai mă tơlang ba pơčrang ADN laih anun hyu ĕp pơ anih phrâo dơ̆ng, laih dơ̆ng kơtưn ĕp lăng pơsir hĭ tơlơi tơnap tap, kiăng ngă djơ̆ tơlơi pơtrun ngă tui Bruă mă 500 hrơi mlam. Ngă yang jôk atâo hăng ba dor tơlang tơhan djai pơsăn drơi, phrâo rŭ kuai glăi pơphun amăng hrơi rơma kơnôl 14/8 ƀơi pơsat dor tơhan pơsăn drơi jăn yua kơ lŏn ia să Đak Glei.