Jơnum lĕ tơlơi kiăng lăi nao yôm phăn amăng bruă lăi pơhư̆č bruă kơ phê Việt Nam lăi hrom hăng kơ phê Buôn Ma Thuột lăi ha jăn truh tơhnal dlông phrâo, hrưn đĭ truh anih ngui ngor hrom mơng gơnong bruă kơ phê rŏng lŏn tơnah. Rơbêh kơ 400 čô mơnuih pơ ala mơng Ding jum sĭ mơdrô; Khul bơwih ƀong sĭ mơdrô kơ phê ca cao Việt Nam, hơdôm ding jum dêh čar; khua pơ ala hơdôm bôh tơring čar, ƀôn prong; ƀing khua pơ ala, khua anih jưh pơ ala kơ hơdôm bôh dêh čar, khul grŭp, khul gum hrom jar kơmar hăng anom bơwih ƀong sĭ mơdrô, pơkra kơ phê gum hrom Jơnum.

Pơhiăp amăng mông pok phun Jơnum, ơi Nguyễn Tuấn Hà – Kơ-iăng Khua Jơnum min mơnuih ƀôn sang tơring čar Daklak brơi thâo, ră anai kơ phê mơng tơring čar sĭ hmâo laih brơi rơbêh kơ 70 bôh dêh car hăng kual lŏn, hăng dưi hmâo Ding jum kơsem min bâo thâo phrâo hăng măi mok tŭ yap anih anom kơ phê Buôn Ma Thuột hăng dưi pơgang ba ƀơi 32 bôh dêh čar, kual lŏn. Bruă jơnum klah čun tô nao rai bruă sĭ mơdrô jar kơmar tal blung a dưi pơphun amăng rơwang Jơnum ngui kơ phê Buôn Ma Thuột, jai pơtŏng sit pran mơng Daklak lĕ ba kơ phê Buôn Ma Thuột jing anih anom nao mơng kơ phê rŏng lŏn tơnah. 10 mơta hră pơ-ar čih hơdor pioh tơlơi pơkôl gum hrom kơplah wah hơdôm bôh anom bơwih ƀong amăng dêh čar hăng pơ̆ dêh čar tač rơngiao amăng bruă kơ phê hmâo kĭ pơkôl amăng mông Jơnum pok tơbiă dong hơdôm tơhnal sĭ mơdrô kơ phê, djru pơtŏng sit nua kơ phê, gơnam mă mơng đang hmua Việt hmâo hăng glăk hrưn hyu ataih, dưi ngă juăt hăng hơdôm kual lŏn phrâo./.