Kual amuñ apui ƀong hloh anun lĕ ƀơi hơdôm boh să: Mo Rai, Rờ Kơi (tơring glông Sa Thầy) hăng Pờ Y, Sa Loong (tơring glông Ngọc Hồi). Ƀơi hơdôm boh să anai hơmâo giăm 20.000 ha glai phun pơ-o, kram, hlang, anun jing amuñ apui ƀong kơtang biă. Rơngiao kơ anun hơmâo rơbêh 240 ha glai pla mă mơng thun 2014 truh ră anai ăt hơmâo anom bruă pơsit jing anih amuñ apui ƀong mơn.

Anom bruă wai lăng Đang glai dêh čar Čư̆ Mom Ray djă pioh hơnong 14 anom bruă hăng 21 anih gŏ gak pơgang apui ƀong glai hrơi mlăm. Hrŏm hăng anun ăt pơhrui mơnuih mă bruă mơng 23 kual plơi pla gơgrong wai lăng glai rưng gum pơgang apui ƀong glai rưng.