Ƀơi mông ngă bruă, 58 boh sang anŏ Kông an hơmâo pơpŭ bơni, pơ ala brơi kơ hơdôm rơtuh rơbâo sang anŏ kông an amăng Khul tơhan kông an mơnuih ƀôn sang. Rim bohn sang anŏ hơmâo tơlơi hơdip mơda phara, hơmâo tơlơi ră ruai phara, samơ̆ djơ̆ hrŏm ƀơi anŏ gum djru pran jua, djai drơi pô, kah pơpha hăng jing pô djru tui tlôn kjăp biă kiăng ƀing khua, ling tơhan dưi găn rơgao tơnap tap, ngă giong truh kih djŏp bruă hơmâo jao.

Pơhiăp ƀơi mông bưp, Thượng tướng Lê Quốc Hùng, Kơ-iăng khua Ding jum kông an pơsit, hăng tơhan kông an, sang anŏ yơh pô djru tui tlôn kjăp biă mă, dưi kơnang, hơmâo pran jua hloh đah mơ̆ng dưi găn rơgao tơnap tap, bong kjăp tơlơi ƀuăn pơgang ba rơnuk rơnua Lŏn ia. Kơ-iăng khua ding jum Lê Quốc Hùng ăt čang rơmang rim sang anŏ tơhan kông an pơtrut tui gru grua hiam, pơtô ană bă hơdip klă, thâo pơmin, djru akŏ pơdong khul tơhan kông an jai hrơi kjăp kơtang amăng rơnuk đĭ kyar phrâo mơ̆ng lŏn ia ta./.