Tui hăng ƀing khua mua pơ ala nao jơnum lăi, amăng rơnuk yua boh thâo ia rơgơi 4.0 hăng pơblih yua mrô, kiăng akŏ pơjing anih djă pioh mrô rơnoh ba yua amăng bruă mă, pơsir bruă kiăng amăng dêh čar. Sit mrô rơnoh anun dưi pok pơhai mă yua tui atur bơ tŭ ư sa hnong amăng dêh čar, laih dơ̆ng pơđĭ tui boh tŭ yua amăng djop bruă čar hăng mơnuih ƀôn sang. Anih djă pioh mrô rơnoh dêh čar djru ngă tum teč tong ten hloh huăi rơbêh đơi tơlơi jŭ yap mrô.

Khă tui anun, tơlơi tơnap tap ră anai lĕ bruă pơtruh nao rai amăng djop glông bruă, ĕp rơnoh mrô jŭ yap mơ̆ng ding jum, anom bruă pơ gơnong dlông dŏ lŭk pŭk đơi. Tui hăng ƀing khua mua nao jơnum, kiăng pơsir tơlơi anai, djop anom bruă khom čih pioh jŭ yap tong ten djop djel hloh laih anun ba yua mrô lăp djơ̆. Laih dơ̆ng Kơnuk kơna kiăng hơmâo mơ̆n hơdră akŏ pơdong hăng ba yua anih djă pioh mrô rơnoh dêh čar pioh pơsir hĭ hơdôm tơlơi kơƀah amăng bruă pơtruh nao rai, kah pơpha mrô rơnoh.