Ƀơi mông tŭ jum, Kơ-iăng khua ding jum kông an ơi Lương Tam Quang pơsit, Việt Nam lêng kơ lăng dêh čar Mi jing gŏp ngă hrŏm prong gah boh thâo kĭ thuâ̆t, măi mok laih anun čang rơmang pok prong, pơtrut ngă hrŏm sit nik, tŭ yua hăng dêh čar Mi amăng lu bruă gêh gal.

Amăng hrơi blan pơ anăp, kiăng pơtrut tui tơlơi ngă hrŏm bơwih ƀong, sĭ mơdrô, tuh pơ alin djơ̆ hăng tơlơi đĭ kyar mơ̆ng dua boh dêh čar, USABC kiăng Kơnuk kơna Việt Nam lăi hrŏm hăng Ding jum kông an lăi hơjăn amra lăng ba, ngă gal brơi kơ hơdôm anom bơwih ƀong dêh čar Mi tuh pơ alin hơđong, sui thun ƀơi Việt Nam. Hơdôm anom bơwih ƀong ding kơna mơ̆ng USABC ƀuăn amra djru ba Việt Nam pơđĭ kyar, biă ñu pơplih yua mrô, bơwih ƀong mrô, mơnuih mơnam mă yua mrô, pơđĭ tui tơlơi rơnuk rơnua plang internet, huăi hơmâo tơlơi truh đuh pơtuh, apui ƀong.