Ƀơi mông jơnum, Jơnum min mơnuih ƀôn sang tơring čar Dak Lăk lăi pơthâo 18 mơta bruă tơnap tap, tơlơi gun amăng bruă wai lăng kơnuk kơna kơ kông ngăn lŏn tơnah hăng ayuh hyiăng. Amăng anun, tơlơi ngă tơnap prong hloh lĕ wai lăng lŏn tơnah hơmâo mơ̆ng lŏn hmua lŏn glai. Lu mrô lŏn hơmâo mơ̆ng lŏn hmua lŏn glai jao glăi pơ tơring čar ră anai ăt yua Jơnum min mơnuih ƀôn sang să wai lăng.

Pơhiăp pơtum glăi mông ngă bruă, Khua ding jum kông ngăn lŏn tơnah hăng ayuh hyiăng ơi Đặng Quốc Khánh brơi thâo, grup mă bruă mơ̆ng ding jum ngă bruă hăng hơdôm boh tơring čar đah mơ̆ng pơsir hĭ tơlơi tơnap kơ tơring čar. Laih dong, Ding jum ăt mă tơlơi pơgôp hiăp mơ̆ng hơdôm boh tơring či čih pơkra, ngă pơgiong Tơlơi phiăn ba Tơlơi phiăn Lŏn tơnah thun 2024 mă yua amăng tơlơi hơdip. Hơjăn bruă hmư̆ hing hloh ră anai lĕ lŏn ngă hmua pla glai, Khua ding jum ơi Đặng Quốc Khánh kiăng tơring čar Dak Lăk khŏm lăng glăi abih bang hăng kah phara djuai lŏn kiăng truh hrơi Tơlơi phiăn lŏn tơnah 2024 dưi mă yua lĕ dưi pơsir hĭ bruă tơnap ră anai.