Giong ĕp lăng bruă mă sit nik ƀơi lu sang bruă tơhan, puih kơđông khul ling tơhan Trung đoàn 584, puih kơđông tơhan pơgang guai dêh čar 735, puih tơhan 737 hăng hmư̆ tơlơi lăi pơthâo mơ̆ng khua sang bruă tơhan tơring čar Dak Lak, Thượng tướng ơi Trương Thiên Tô čih pioh, bơni kơ hơdôm boh tơhnal dưi ngă.

Hrŏm hăng anun, grup hyu mă bruă ăt pơčrâo rơđah mơ̆n, anŏ aka dưi ngă, bruă dŏ kơƀah, pơblang tong ten hăng pơtrun hiăp khua mua ling tơhan tơring čar Dak Lak khom dăp akŏ bruă pơsir hĭ, pơđĭ tui boh tŭ yua amăng bruă mă pơ anăp anai. Amăng anun prăp lui hăng pơphun pơhrăm tơlơi blah ngă pơhlom pơgang hăng pơtum mơnuih ƀôn sang gum hrŏm ƀơi tơring čar. Laih dơ̆ng ngă hrŏm pơ anih hlă gai, pơkă guai dêh čar Việt Nam hăng Kur; jŭ yap glăi, wai lăng tong ten mơnuih mă bruă, ngă tơhan, ƀattô pơ ia rơsĭ, rơdêh đĭ hyu mă bruă djru mơnuih ƀôn sang sit hơmâo tơlơi kiăng pok pơhai hmao kru, tŭ yua, pơgăn ƀing soh sat, pơgăn bruă hyu mă akan hơdang hŭi soh hăng tơlơi phiăn jar kmar IUU laih anun Ngă hrŏm bruă pơtrun gir 500 hrơi mlam hơduah ĕp, rŭ ba, duñ glăi tơlang tơleh hăng pơčrang pơsit anăn pô tơhan djai pơsăn drơi jăn yua kơ lŏn ia.