Tui dưm dăp, plơi prong Quy Nhơn prong giăm 1.191 km karê, hơmâo 19 anih anom, mrô mơnuih giăm 884.000 čô. Quy Nhơn hơmâo dưm dăp jing anom phun yua boh thâo phrâo, pơplih pơčeh phrâo hăng boh thâo ia rơgơi bơkơnar amăng kual hăng jar kmar; pơđĭ kyar gơnang nao bơwih ƀong kual ia rơsĭ, yua boh thâo măi mok, logistics hăng bơwih bơwang klă hloh.

Lơm anun, plơi prong Pleiku prong giăm 1.263 km karê, hơmâo 13 anom mă bruă, mrô mơnuih giăm 559.00 čô. Pleiku hơmâo pơsit lĕ plơi prong tong krah kual Dap kơdư, bơnah pơđĭ kyar gah Yŭ, jing anih tơkuh nao rai kual Dap kơdư hăng kual ter hang ia rơsĭ hăng hơdôm bah amăng jang. Pleiku amra pơđĭ kyar tui hơbô̆ bruă djop bơnah, lu glông ter, đing nao ngă hmua yua boh thâo phrâo, măi mok pơkra gơnam klă hloh, logistics, sĭ mơdrô-bơwih bơwang hăng tuai čuă ngui amăng đang glai, ĕp lăng gru grua. Dua boh plơi prong hơmâo pơsit brơi hơnong pơkă đĭ plơi prong mrô II amăng thun 2050.