Gia Lai: Hrơi Jơnum ngui “Jơlan nao rai ƀu hmâo asăp kơ bôh lŏn tơmah”
Thứ hai, 10:09, 17/04/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Mơguah lơ 16/4, ƀơi Sang jơnum čơđai muai Plei Ku (Gia Lai), Grŭp pơhlôm ƀơi jơlan nao rai tơring čar hăng Jơnum min mơnuih ƀôn sang Plei Ku gum hrom hăng Keh prăk Pơgang pơgăn rơka ruă djai brŭ kual ASIA, Jơnum min pơhlôm ƀơi jơlan nao rai dêh čar pơphun hrơi jơnum ngui “Jơlan nao rai ƀu hmâo asăp kơ bôh lŏn mơtah” thun 2023.
Thun anai lĕ thun tal 5 mơng rơwang bruă, hơdôm bruă mă đing nao pơsur čơđai sang hră hăng khul mơnuih mă yua rơdêh nao rai ƀiă pơđoh tơbiă asăp, anăp nao pơđĭ kyar hơdôm plơi prong mơtah hăng klă hiam hloh ăt kah hăng pơtrut bruă rô nao rai pơhlôm.
Amăng hrơi jơnum, ƀing pơ ala hrom hăng čơđai sang hră hmâo tơbat trui hăng rơdêh dang wang ƀơi hơdôm ară jơlan plơi prong Plei Ku kiăng pơđĭ tui tơlơi pơmin kơ mơnuih ƀôn sang gah tơhnal yôm phăn mơng hơdôm bôh rơdêh rô nao rai kơjăp phik. Amăng guang rơwang bruă, Keh prăk pơgang pơgăn rơka ruă djai brŭ kual ASIA (AIP) ƀơk 50 bôh rơdêh dang wang yua kơ hơdôm khul hăng mơnuih gum djru kơ čơđai sang hră yak rơgao tơlơi tơnap hrăm hră ƀơi plơi prong Plei Ku./.
Viết bình luận