Amăng Jơnum kơ bruă ba hyu tuai čuă ngui mơng tač rơngiao thun 2026 hăng anăn “Pơtrut tañ bruă pơhưč tuai mơng tač rơngiao rai pơ Việt Nam: Anih pơhưč phrâo-Gơnam phrâo-Bruă pơlir phrâo”, Khul bơwih brơi tuai čuă ngui Việt Nam pơsit tong, tơdơi kơ rơwang hơkrŭ glăi kơtang tĭt, bruă tuai čuă ngui ƀơi Việt Nam glăk yak nao rơwang pơđĭ kyar phrâo, kiăng pơplih mơng hơnong pơkă lu tui mrô mơnuih hơdai nao pơđĭ kyar tui ruah mă, klă hloh hăng gơnang nao bruă pơlir hơbit.

Hơdôm tơlơi pơgôp hiăp amăng Jơnum đing nao kơ kơ bruă ĕp tuai čuă ngui mơng tač rơngiao, tơlơi glăm ba mơng anom bruă bơwih brơi tuai čuă ngui amăng pơlir hơbit tơdron rơdêh por-ba hyu tuai-anih čuă ngui hăng ba Gia Lai pơmut amăng hră lơkak gơnam tuai čuă ngui jar kmar ƀơi Việt Nam. Hăng Gia Lai, bruă pơphun jơnum anai yôm phăn biă mă lơm tơring čar glăk pok prong anih pơđĭ kyar tuai čuă ngui, tơkuh nao rai kual ia rơsĭ Quy Nhơn hăng kual Dap kơdư, pơlir tuai čuă ngui pơdơi pran, ngui amăng đang glai, hyu ĕp lăng hăng gru grua.