Sit biă ñu, lơ 1/3, ƀơi Ping gah tơring glông Chư Pah, ơi Châu Ngọc Tuấn, Kơ-iăng khua git gai Ping gah tơring čar, Khua khul khua pơ ala mơnuih ƀôn sang tơring čar Gia Lai git gai Jơnum lăi pơthâo tơlơi pơsit mơng Khul apăn bruă Ping gah tơring čar kơ bruă ruah mơnuih apăn bruă. Jơnum hơmâo lăi pơthâo tơlơi pơsit ruah ơi Trần Minh Sơn, Ding kơna Ping gah tơring čar, Khua git gai Ping gah tơring glông, Khua khul pơ ala mơnuih ƀôn sang tơring glông Chư Pah đĭ ngă Khua git gai Ping gah khul Jơnum min djop djuai ania mơnuih mơnam Việt Nam tơring čar rơwang thun 2019-2024. Ơi Sơn apăn bruă amăng Jơnum min djop djuai ania mơnuih mơnam Việt Nam tơring čar dong mơng lơ 1/3/2024.

Ăt amăng hrơi anun mơn, Khul apăn bruă Jơnum min djop djuai ania mơnuih mơnam Việt Nam tơring čar Gia Lai pơphun jơnum Jơnum min djop djuai ania mơnuih mơnam Việt Nam tơring čar tal 12 (ƀu tui tơđar) tal X rơwang thun 2019-2024 tui tơlơi pơkă kiăng ơi Hồ Văn Điềm, Ding kơna Ping gah tơring čar, Khua Jơnum min djop djuai ania mơnuih mơnam Việt Nam tơring čar pơdơi ngă Khua Jơnum min djop djuai ania mơnuih mơnam Việt Nam tơring čar Gia Lai tal X rơwang thun 2019-2024 tui tơlơi rơkâo mơng ñu; ruah ơi Trần Minh Sơn, Ding kơna Ping gah tơring čar, Khua git gai Ping gah khul Jơnum min djop djuai ania mơnuih mơnam Việt Nam tơring čar mut amăng ding kơna Jơnum min djop djuai ania mơnuih mơnam Việt Nam  tơring čar hăng ngă Khua Jơnum min djop djuai ania mơnuih mơnam Việt Nam tơring čar tal X, rơwang thun 2019-2024.